پاڪستاني اداڪارا صنم سعيد چيو آهي تھ مريم نواز جو ڪردار ڪرڻ خاطر مون کي رنگ اڇو ڪرڻ واري انجيڪشن لڳرائڻي پئي تھ بھ لڳرائينديس. خانگي ٽي وي جي شو ۾ ڳالهائيندي هن جو چوڻ هو تھ، سچ پڇو تھ مريم نواز جو ڪردار ڪرڻ ۾ وڏو مزو ايندو. هن چيو تھ مون کي سياست ۾ دلچسپي ناهي، پر منهنجي خيال ۾ عورت ئي حقيقت ۾ عورت جي دشمن آهي. هن هڪ سوال جي جواب ۾ ٻڌايو تھ عمران خان ايماندار آهي يا نھ، اها خبر ناهي، پر مون هڪ سچي انسان کي اقتدار ملڻ جي دعا ضرور گهري هئي. هن چيو تھ جيڪڏهن سياست ۾ اچڻو پيو تھ بلاول ڀٽو جي پارٽي ۾ هر گز شامل نھ ٿينديس. هن چيو تھ شايد منهنجي ڪيل ڪردارن جي ڪري ئي ماڻهو مغرور سمجهندا آهن.
