ماڻهو پنهنجي چهري تي ڪيترائي نقاب پائي ويٺا آهن: ريشم

لاهور: پاڪستان جي خوبصورت اداڪارا ريشم چيو آهي ته ماڻهو پنهنجي چهري تي ڪيترائي نقاب پائي ويٺا آهن، مون وٽ سيرت ۽ ذهانت ڪنهن شخص کي سڃاڻڻ جو اصل پيمانو آهن، خوبصورتي اضافي خوبي آهي، هينئر تائين جي ڪم مان مطمئن آهيان. هن وڌيڪ ٻڌايو ته منهنجو ڳڻپ انهن خوش نصيب اداڪارن ۾ ٿئي ٿي، جن ٿوري وقت ۾ پنهنجو نالو پيدا ڪيو، مون کي هڪ کان حسد ناهي، انهي ڪري ئي خدا جي ذات ڪاميابين سان نوازيو آهي، ڪوشش آهي ته جيڪو مقام مليو آهي ان کي برقرار رکان.