ول سمٿ باضابطا بيان جاري ڪري ڪاميڊين ڪرس راڪ کان معافي گهري ڇڏي

هالي ووڊ جي مشهور اداڪار ول سمٿ باضابطا طور تي بيان جاري ڪري ڪاميڊين ڪرس راڪ کان معافي گهري ورتي آهي. سوشل ميڊيا تي جاري ڪيل بيان ۾ ول سمٿ ڄاڻايو آهي تھ، ڪرس عوامي سطح تي مان اوهان کان معافي وٺان ٿو، مون کي احساس آهي تھ غلط آهيان ۽ شرمندگي ٿي رهي آهي. مزاح ڪرڻ تنهنجو ڪم آهي، پر زال جي طبي مسئلن سبب مان جذباتي ٿي ويس ۽ پاڻ تي قابو نھ رکي سگهيس.