پاڪستان جي مشهور ڳائڻي شهزاد رائي جي گيت واجا جا ٻول آڌا بلوچستان وڏي بحث جو موضوع بڻجي ويا آهن ۽ باشعور ماڻهو ان جي تت کي مڪمل بلوچستان نٿا سمجهن. ميڊيا مطابق نامياري صحافي حامد مير، سماجي ڪارڪنن ندا ڪرماني، ضيا خان ۽ ٻين گاني جي انهن ٻولن کي بحث جو موضوع بڻايو آهي، جنهن ۾ چيو ويو آهي تھ، جس بات پي تو ناراض هي، آئو آج اسي ختم ڪرين. حامد مير جو چوڻ هو تھ، ماڻهن جون گمشدگيون بلوچستان جي ڪاوڙ جو وڏي ۾ وڏو سبب آهي، اهو ختم ڪيو تھ مسئلو حل ٿي ويندو.
ندا ڪرماني جو چوڻ هو تھ گاني ۾ اڌ بلوچستان نظر اچي ٿو، مڪمل بلوچستان گمشدگين وارو آهي. ضيا خان جو چوڻ هو تھ هتي انڊسٽري ناهي، روڊ ڪونهن، اسپتال نظر نٿي اچي، يونيورسٽيون نھ آهن ۽ اهو ئي پورو بلوچستان آهي. جڏهن تھ نديم بلوچ، شير احمد ۽ ٻين گاني ۾ مقامي بلوچي راڳين جي شرڪت تي ڪاوڙ ڏيکاري ۽ چيو تھ، شهزاد رائي اڌ بلوچستان ڏيکاريو، مڪمل بلوچستان ان جهڙو ناهي.
