فلمي دنيا جي اهم ترين ڪينز فلم فيسٽيول جي شروعات ٿي وئي آهي، جيڪو فرانس جي شهر ڪينز ۾ ٿي رهيو آهي. ميڊيا مطابق فيسٽيول جي تقريبن جي جيوري ۾ ڀارتي اداڪارا دپيڪا پڊوڪون کي پڻ شامل ڪيو ويو آهي، جيڪا هن وقت ڪينز ۾ موجود آهي ۽ ان جيوري جي باقي ميمبرن سان گڏجي سالياني ڊنر ۾ پڻ شرڪت ڪئي آهي.
هوڏانهن پاڪستاني اداڪارا ثروت گيلاني پڻ فلم جي ڪاسٽ سميت تقريبن ۾ شريڪ ٿي رهي آهي. رپورٽ ۾ ڄاڻايو ويو آهي تھ هن ڀيري ڪرونا جي پابندين کي پڻ ختم ڪيو ويو آهي ۽ اهو ذري گهٽ ٻن سالن بعد پابندين کان آجي ماحول ۾ ٿي رهيو آهي.
