پاڪستاني اداڪارا صبا قمر نواز ليگ جي اڳواڻ مريم نواز شريف جو ڪردار ڪرڻ جي خواهش ڏيکاري ڇڏي آهي. ميڊيا مطابق صبا قمر جي ايندڙ فلم ڪملي جو نئون گيت محرم دل دا رليز ٿي ويو آهي، فلم ڪملي جي نئين گاني دل دا محرم کي رليز ٿيندي ئي وڏي موٽ ملي، مداحن هزارن جي تعداد ۾ گاني کي لائيڪس ڏنيون آهن. هوڏانهن هڪ انٽرويو ۾ صبا قمر مريم نواز جو ڪردار ڪرڻ جي خواهش ڏيکاريندي چيو آهي تھ، مون کي خبر آهي تھ مريم نواز جي ڪردار سان انصاف ڪنديس. هن چيو تھ امڙ جي شادي جو نتيجو ڏسي مون کي پنهنجو گهر وسائڻ کان خوف ٿيو هو. هن چيو تھ مداحن جي رش کان بچڻ خاطر اڪثر ڪري عبايو يا چادر ويڙهي بازار ويندي آهيان.
