پاڪستان جي خوبصورت اداڪارا مهوش حيات کي مداحن ونڊر ويمن بڻجي اداڪاري جا جوهر ڏيکارڻ جو مشورو ڏئي ڇڏيو آهي. ميڊيا مطابق مهوش حيات مس مارول جي سپر هيرو فلم ۾ شاندار اداڪاري ڪري مداحن جون دليون کٽي ورتيون آهن ۽ انهن دل جي خواهش جو اظهار ڪندي کيس چيو آهي تھ وقت اچي ويو آهي تھ اها ونڊر ويمن بڻجي وڃي. رپورٽ ۾ چيو ويو آهي تھ ونڊر ويمن مس مارول سيريز جي فلم آهي ۽ ان ۾ گال گيڊوٽ اهو ڪردار ڪندي آهي. مداحن جو چوڻ هو تھ سپر هيرو فلم ونڊر ويمن ۾ گال گيڊوٽ بدران مهوش کي کڻڻ کپي. هنن چيو تھ گال گيڊوٽ سٺي اداڪارا آهي، پر مهوش بھ شاندار نموني ڪردار ڪري ويندي.
