پاڪستان جي مشهور ٽڪ ٽاڪ اسٽار حريم شاهه چٽن لفظن ۾ چيو آهي تھ ترڪي ۾ گرفتار ٿيڻ جي خبر ڪوڙي آهي. ميڊيا مطابق مڙس بلال شاهه سان گڏ وڊيو بيان جاري ڪندي حريم شاهه جو چوڻ هو تھ اسان بابت سدائين غلط خبرون هلايون وڃن ٿيون ۽ ڪوبھ انهن جي تصديق ناهي ڪرائيندي، ايستائين جو ميڊيا جا ادارا بھ تصديق بنا خبر اڳتي وڌائي ڇڏيندا آهن.
هن ڪاوڙ جو اظهار ڪندي چيو تھ اسان کي نھ گرفتار ڪيو ويو آهي ۽ نھ وري هتي اهڙو ڪو واقعو پيش آيو آهي، مان ۽ منهنجو مڙس ڪوڙين خبرن سبب پاڪستان نٿي اچي سگهون، هاڻ قانوني ڪاروائي بابت بھ سوچيان پئي.
