ممبئي: ڀارتي ميڊيا پاران دعويٰ ڪئي پئي وڃي ته سلمان خان شهناز گل کي پنهنجي ايندڙ فلم مان ڪڍي ڇڏيو آهي. هڪ خانگي ڀارتي ويب سائيٽ پاران دعويٰ ڪئي پئي وڃي ته سلمان خان جي ايڪشن ڪاميڊي فلم “ڪڀي عيد ڪڀي ديوالي” ۾ ڊيبيو ڪندڙ اداڪارا شهناز گل کي هاڻي فلم مان ڪڍيو ڪيو ويو آهي. ڀارتي ميڊيا انڪشاف ڪيو آهي ته شهناز هاڻي سلمان خان جي فلم ۾ نظر نه ايندي پر ان جو سبب اڃا تائين سامهون ناهي آيو، جڏهن ته شهناز گل اهڙين خبرن کي بي بنياد ڪوٺيو آهي. واضح رهي ته سلمان خان جي فلم “ڪڀي عيد ڪڀي ديوالي” جو نالو مٽائي “ڀائي جان” رکيو ويو آهي. فلم ۾ سلمان خان، پوجا هيگڙي، ايوش شرما ۽ ڪرتي سينن اهم ڪردار ادا ڪندي نظر ايندا.
