ڀارتي ڊرامن جي مشهور اداڪارا ڪنشڪا سوني پنهنجو پاڻ سان ئي پرڻو ڪري ورتو آهي، جنهن تي ڇتي تنقيد ڪئي پئي وڃي. ميڊيا مطابق ڪنشڪا سوني پنهنجي زندگي ۾ مرد جي ضرورت نھ هجڻ جو جواز ڄاڻائي پاڻ سان پرڻو رچايو آهي. جڏهن تھ ڪنشڪا سوني ماٿي سهاڳڻ وارو ڳاڙهو تلڪ هڻي ۽ منگل سوتر پائي تصوير بھ شيئر ڪئي ۽ وڊيو پيغام ۾ ڄاڻايو آهي تھ منهنجا سڀ خواب پورا ٿي ويا، منهنجو محبوب مان پاڻ ئي آهيان، تنهنڪري پنهنجي ذات سان شادي بھ رچائي. هن جو چوڻ هو تھ مڪمل هوش حواس ۾ پاڻ سان شادي ڪئي آهي ۽ مون اهو فيصلو دل ۽ دماغ سان ڪيو آهي.
