بالي ووڊ فلمن کي لازوال گيت لکي ڏيندڙ شاعر ۽ فلم ميڪر گلزار جي هٽ گيت ڪجراري ڪجراري بابت انڪشاف ٿيو آهي تھ اهو ٽرڪن جي پويان لکيل شاعري کان متاثر ٿي لکيو ويو آهي، تنهنڪري ان ۾ سنجيدگي جو عنصر شامل ناهي. رپورٽ ۾ ڄاڻايو ويو آهي تھ بالي ووڊ جي سپرهٽ فلم بنٽي اور ببلي ۾ ايشوريا رائي بچن، اڀيشڪ بچن ۽ اميتاب بچن تي فلمايل هي گيت پنهنجي انداز ۽ ٻولن سبب هٽ ثابت ٿيو. ان حوالي سان گلزار جو چوڻ آهي تھ هي گيت اتر ڀارت ۾ تيز رفتاري سان هلندڙ ٽرڪن جي پويان لکيل شاعري کان متاثر ٿي لکيو، تنهنڪري سنجيدا ناهي، اصل ۾ سننجيدگي هن گيت جو مزاج ئي ناهي.
