بالي ووڊ جي جوڙي عاليا ڀٽ ۽ رنبير ڪپور کي نياڻي جو اولاد ٿيڻ تي ڪپور ۽ ڀٽ خاندان خوشي ۾ جهومي پيو آهي. ميڊيا مطابق عاليا ۽ رنبير جي نياڻي جو ٻڌي ٻنهي گهراڻن کي هر هنڌ تان مبارڪن جا پيغام ملي رهيا آهن. جڏهن تھ نيتو ڪپور ڏاڏي بڻجڻ، مهيش ڀٽ نانو، سوني رازدان ناني ۽ ڪرن جوهر بھ رشتي ۾ نانو بڻجڻ تي خوشي ۾ نٿا ماپن. نيتو ڪپور جو چوڻ هو تھ ڏاڏي بڻجي تمام گهڻي خوش آهيان، اسان جي نياڻي ٺيڪ آهي. مهيش ڀٽ جذبات تي قابو نھ رکي سگهيو ۽ چيو تھ ننڍڙي جي اچڻ سان گهر ڪشادو ٿي ويو آهي. رنبير جي ڀيڻ راڌيما ساهني چيو تھ پڦي کي تمام گهڻي خوش ٿي آهي.
