سنڌ هائي ڪورٽ فلم جوائي لينڊ تي پابندي جي درخواست رد ڪري ڇڏي آهي. ميڊيا مطابق چيف جسٽس احمد علي شيخ جي سربراهي ۾ ڊبل بينچ درخواست کي ئي نھ ٻڌڻ جوڳو قرار ڏئي رد ڪيو آهي. عدالت ۾ درخواست جي ٻڌڻي شروع ٿيندي درخواستگذار دليل ڏيندي چيو تھ فلم جي رليز آئين جي شق 227 جي خلاف آهي، پاڪستان ۾ اسلام جي روح ۽ اسلامي تعليم خلاف ڪم نٿو ٿي سگهي. چيف جسٽس سوال ڪيو تھ اوهان فلم ڏٺي آهي، جنهن تي درخواستگذار چيو تھ فلم جو مواد کليل عدالت ۾ بحث جي قابل ناهي، ٽرانسجينڊر کي ڪنهن مرد سان محبت ۽ شادي جي اجازت اسلام نٿو ڏئي. چيف جسٽس رمارڪس ڏيندي چيو تھ اوهان فلم ڏٺي ئي ناهي ۽ پابندي لڳرائڻ لا هليا آيا آهيو، جنهن بعد درخواست کي رد ڪرڻ جو فيصلو ڏنو.
