بالي ووڊ جي مشهور ڪاميڊين ۽ فلم ميڪر ستيش ڪوشڪ 66 ورهين جي ڄمار ۾ ديهانت ڪري ويو آهي. ميڊيا مطابق ستيش ڪوشڪ فلم مسٽر انڊيا ۾ ڪيلينڊر جي ڪردار سان شهرت ماڻي، هو نئين دهلي ۾ ڪار جو سفر ڪري رهيو هو تھ کيس دل جو دورو پيو ۽ اتي ئي دم ڏئي ڇڏيو. ستيش ڪوشڪ جي موت جي تصديق سندس گهرڀاتين ۽ ويجهي دوست انوپم کير ڪئي، جنهن بعد بالي ووڊ ۾ بھ سوڳ ڇائنجي ويو آهي. انوپم کير لکيو تھ اسان جي دوستي 45 سالن تي ٻڌل آهي، ستيش تو بنا زندگي ڏکي گذرندي. ياد رهي تھ ستيش ڪوشڪ تيري نام، پريم، روپ ڪي راني چورون ڪا راجا ۽ ٻيون ڪيتريون فلمون ٺاهيون ۽ انهن جي هداتڪاري ڪئي، هو اسڪرين رائيٽر پڻ هو.
