شائي گل ۽ ٻين ڳائڻين سر وکيري عورتن کي جهومائي ڇڏيو

پاڪستان جي پسوڙي فيم ڳائڻي شائي گل ۽ ٻين ڳائڻين ڪراچي ۾ عورتن جي ڏهاڙي جي مناسبت سان ڪرايل تقريب ۾ سر وکيري موجود عورتن کي جهومڻ تي مجبور ڪري ڇڏيو آهي. ميڊيا مطابق ڪريئٽو هيڊڪوارٽرز جي سهڪار سان ڪرايل تقريب ۾ ميوزڪ ڪنسرٽ پڻ منعقد ڪيو ويو، جنهن دوران مشهور ڳائڻي شائي گل، نتاشا بيگ ۽ ماريا عنيرا سرن جي ورکا ڪئي آهي، جنهن دوران تقريب ۾ موجود عورتن ڊانس ڪري کين ڀرپور داد ڏنو آهي.