پاڪستاني اداڪارا شيري شاهه والد جي بيماري، سندس وفات ۽ زندگي ۾ پيش آيل سختين کي ياد ڪري روئي ويٺي آهي ۽ سندس صبر جواب ڏئي ويو. خانگي ٽي وي کي ڏنل انٽرويو ۾ شيري شاهه ٻڌايو تھ والد ٽينڪرن جو ڪم ڪندو هو، اهي چوري ٿي ويا، گهر تي بھ قبضو ڪيو ويو هو، اهڙي صورتحال ۾ اسان زندگي ۾ تمام گهڻا ڏکيا ڏينهن ڏٺا آهن، والدا سلائي ڪري گهر جو خرچ هلايو. هن چيو تھ مان وڏي ٿيس تھ شوبز ۾ ڪم ڪري گهر جي خرچ ۾ حصو ورتو، پر والد بيمار رهندو هو، هن مون کي ڊرائينگ سميت زندگي گذارڻ جا گر سيکاريا، سندس وفات مون کي صدمو ڏنو آهي.
