پاڪستان جي اداڪارا انوشي اشرف چيو آهي تھ ماڻهو سياست سميت هر شعبي ۾ منفرد ڪم ڪري اسٽار بڻجي سگهي ٿو، ڇاڪاڻ تھ هاڻ اسٽار بڻجڻ جو شعبو وسيع ٿي ويو آهي. ٽي وي چينل کي ڏنل انٽرويو ۾ هن ٻڌايو تھ اڳ رڳو شوبز دنيا ۾ اداڪاري ڪرڻ سان اسٽار بڻجي سگهبو هو، هاڻ معيار بدليا آهن، تنهنڪري ضروري ناهي تھ شوبز ۾ رهي اسٽار ٿجي. هن چيو تھ مون کي خبر ناهي تھ نمرا جيڪب ۽ حسنين لهري ۾ ڪهڙي ڳالهه تي جهيڙو ٿيو آهي. انوشي اشرف چيو تھ مون کي صحافت ۾ ڪيريئر ٺاهڻ جو شوق هو، انٽرنشپ بھ ڪئي، پر هڪ ٽي وي چينل جي مالڪ مون کي ڏسي ميزباني ۾ آندو، جتان مان اداڪاري ۾ شامل ٿي وئي آهيان.
