برطانوي فلم ميڪر جمائما گولڊ سمٿ پاران سجل علي ۽ ٻين اداڪارن جي ڪاسٽ تي ٻڌل فلم واٽس لو گاٽ ٽو ڊو ود اٽ 4 اهم ايوارڊ کٽڻ ۾ ڪامياب ٿي وئي آهي. ميڊيا مطابق جمائما گولڊ سمٿ جي فلم واٽس لو گاٽ ٽو ڊو ود اٽ نيشنل فلم ايوارڊز تقريب ۾ ايوارڊ کٽيا آهن، جن ۾ بهترين هدايتڪار جو ايوارڊ شيکر ڪپور، بهترين اسڪرين پلي جو ايوارڊ جمائما خان، بهترين معاون اداڪار ۽ بهترين برٽش فلم جو ايوارڊ شامل آهن.
هوڏانهن پي ٽي آئي چيئرمين جي ڀيڻ عليما خان، اڳوڻي اداڪارا شمع جوڻيجو سميت پي ٽي آئي جي ڪارڪنن ۽ اڳواڻن پارٽي جي لوگو هڻي جمائما گولڊ سمٿ کي سندس فلم جي ڏس ۾ 4 اهم ايوارڊ ماڻڻ تي مبارڪون ڏنيون آهن. ٻئي پاسي سماجي رابطن واري پيج تي جاري ڪيل بيان ۾ جمائما گولڊ سمٿ چيو آهي تھ اسان جي فلم وڏي ڪاميابي حاصل ڪندي 4 ايوارڊ کٽيا، ٽيم کي مبارڪون ڏيان ٿي.
