هالي ووڊ جي 21 جولائي 2023ع تي ڀارت سميت سڄي دنيا ۾ رليز ڪيل فلم اوپن هيمر ۾ گيتا جي مبينا توهين تي ڀارتي ڪاوڙجي پيا آهن ۽ انهن فلم جي بائيڪاٽ جو مطالبو ڪيو آهي. ميڊيا مطابق پهريون ايٽم بم تيار ڪندڙ سائنسدان رابرٽ اوپن هيمر جي زندگي تي ٺهيل فلم ڀارت ۾ تڪراري ٿي وئي آهي ۽ ڪاوڙ ۾ شدت ايندي پئي وڃي. رپورٽ ۾ چيو ويو آهي تھ فلم ۾ بولڊ منظر دوران گيتا جي لفظن جي استعمال جي نشاندهي بعد مداحن بائيڪاٽ جي اپيل ڪئي آهي. مداحن جو چوڻ آهي تھ اندازو نھ هو تھ بولڊ منظر دوران گيتا ۽ سنسڪرت جو توهين واري انداز ۾ استعمال ٿيندو، اسان جي خيال ۾ فلم جو بائيڪاٽ ڪيو وڃي، ان دوران ڪجهه ماڻهن فلم جو دفاع ڪندي ان کي رڳو سنسڪرت جو استعمال قرار ڏنو آهي. مداحن جو چوڻ هو تھ اندازو نھ هو تھ بولڊ منظر دوران گيتا ۽ سنسڪرت جو توهين واري انداز ۾ استعمال ٿيندو.
