سنڌ ۾ برساتن جو سلسلو شروع ٿي ويو آهي. مختلف شهرن ۾ پيل برساتن جي ڪري 4 ماڻهو فوت ٿيا آهن. سنڌ ۾ جيئن ئي وسڪاري جي مند شروع ٿيندي آهي ته انتظامي نااهلي اسان کي هر جا تي نظر اچڻ شروع ٿي ويندي آهي. جيڪي اپا انتظاميا کي برساتن کان اڳ وٺڻ گهرجن، اهي برساتن کان پو به نه ورتا ويندا آهن، جنهن جي ڪري نتيجو اهو نڪرندو آهي ته وڏن شهرن کان وٺي ننڍن شهرن تائين سڀئي پاڻي ۾ ٻڏل نظر ايندا آهن. مطلب ته برسات جيڪا رحمت آهي، سا ادارن جي نااهلي جي ڪري زحمت بڻجي ويندي آهي. برساتن جي ڪري واهڻن وستين ۽ شهرن جي روڊن رستن سميت گهرن ۾ گوڏي جيڏو پاڻي موجود هوندو آهي، جنهن مان اهو ثابت ٿئي ٿو ته هتان جو انفرااسٽرڪچر ڪيترو ناڪاره آهي. ڪنهن به شهر ۾ انفرااسٽرڪچر ٺاهڻ وقت ان ڳالهه جو خيال رکيو ويندو آهي ته برسات جي ڏينهن ۾ اتي پاڻي گڏ نه ٿي سگهي ۽ نه ئي ان کي نيڪال ڪرڻ ۾ دير ٿئي. بلڪه جيئن ئي برساتن جو سلسلو شروع ٿئي ته پاڻي به نيڪال ٿيندو رهي، پر اسان وٽ اڄ به شهرن ۾ پاڻي نيڪال ڪرڻ جو جوڳو بندوبست نه ٿيل آهي. جنهن جي ڪري ٿوري به برسات پوڻ تي شهر پاڻي سان ڀرجي وڃن ٿا. گهٽين کان وٺي روڊن رستن تائين هر جا تي پاڻي ئي پاڻي هوندو آهي. ماضي جي حڪومت ته هر وقت ان ڳالهه تي زور ڏيندي رهي ته ايندڙ وقت جيڪي برساتون پونديون انهن لا حفاظتي اپا ورتا ويا آهن. پر جيڪا صورتحال سامهون آئي، انهي مان اهو سامهون آيو ته حڪومت رڳو ڳالهين جي حد تائين ماڻهن کي آٿت ڏيندي رهي. گذريل ڏهن سالن جو رڪارڊ کڻي ڏسجي ته خبر پئجي ويندي ته حڪومت شهري نظام کي بهتر ڪرڻ لا ڪهڙا اپا ورتا.
جيئن ته هاڻي چوماسي جون برساتون وسنديون، تنهنڪري، برسات جو پاڻي نيڪال ڪرڻ جي حوالي سان پهريون اپا ته اهو ورتو وڃي جو پاڻي جا جيڪي به لنگهه آهن، انهن کي بهتر ڪري پاڻي لا کوليو وڃي ته جيئن برساتن جو سلسلو جيئن شروع ٿئي ته پاڻي انهن لنگهن مان آساني سان گذري وڃي. اڄ سنڌ جي سمورن شهرن جا گٽر اسان کي بند نظر ايندا، ڇاڪاڻ ته انهن کي کولڻ يا انهن کي بهتر ڪرڻ لا سالن جا سال ڪم ناهي ٿيو. جنهن جي ڪري برساتن واري مند ۾ جڏهن برساتن جو پاڻي گٽرن ۾ پوي ٿو، گٽر بند هجڻ ڪري اهي اٿلي پوندا آهن ۽ برساتن جو پاڻي مهينن جا مهينا شهرن ۾ بيٺو هوندو آهي. جنهن مان ڪيتريون ئي بيماريون جنم وٺنديون آهن. تنهنڪري وري به عوام ئي ٻٽي عذاب جو شڪار ٿيندو آهي، ڇا شهري انتظاميا ۽ سنڌ حڪومت هيترن سالن ۾ شهرن مان برسات جو پاڻي نيڪال ڪرائڻ جون رٿائون جوڙي نه پئي سگهي جو اڄ اهڙو ڪو نظام موجود نه آهي، جو برسات وسڻ کان پو ماڻهو سک جو ساهه کڻي اهو اطمينان ڪري ته برساتي پاڻي پاڻمرادو نيڪال ٿي ويندو. انهي لا ڪنهن به قسم جي مٿا ڪٽ نه ڪرڻي پوندي.
اسان سمجهون ٿا ته ايندڙ وقت اڃا به وڌيڪ برساتن جو سلسلو شروع ٿيڻ وارو آهي، جنهنڪري برسات جي پاڻي جي نيڪال کان وٺي ٻين مسئلن کي منهن ڏيڻ لا حڪومت ڪا بهتر حڪمت عملي جوڙي ته جيئن عام شهري کي ڪنهن قسم جي تڪليف مان نه گذرڻو پوي.
