حميما ترڪي ۾ سستي علاج خاطر ٽن اسپتالن ۾ وئي

پاڪستاني اداڪارا حميما ملڪ انڪشاف ڪيو آهي تھ ترڪي ۾ طبيعت خراب ٿيڻ بعد سستو علاج ڪرائڻ جي مد ۾ مون کي هڪٻئي پويان ٽن اسپتالن جا چڪر ڪاٽيا هئا. ٽي وي شو ۾ ڳالهائيندي هن ٻڌايو تھ ترڪي جون اسپتالون تمام گهڻيون مهانگيون آهن، تنهنڪري ايوارڊ شو ۾ اتي اپينڊڪس جو سور پيو تھ مون کي پهرين هڪ اسپتال ۾ آندو ويو، جتي وڏو خرچ ٻڌايو ويو، بعد ۾ ٻن ٻين اسپتالن ۾ بھ نيو ويو، پر طبيعت خراب ٿيڻ سبب هڪ اسپتال ۾ آڻي ترت آپريشن ڪيو ويو.