ڪوڪ اسٽوڊيو سيزن 14 کي ليجنڊ عابدا پروين ۽ نصيبو لال جي ڳايل گيت تو جهوم ٽاپ ٽرينڊ ۾ شامل ڪري ڇڏيو آهي ۽ ان جي هر جڳهه تي ساراهه ڪئي پئي وڃي. ميڊيا مطابق ليجنڊ ڳائڻين عابدا پروين ۽ نصيبو لال جي گيت سان شروعات ڪوڪ اسٽوڊيو کي سماجي رابطن وارين ويب سائيٽس تي پڻ ٽاپ تي آڻي ڇڏيو آهي. رپورٽ ۾ ڄاڻايو ويو آهي تھ راڳي، اداڪار ۽ موسيقار عابدا پروين ۽ نصيبو لال جي گيت تي جهومي پيا آهن. جڏهن تھ مداحن تو جهوم گيت کي سوشل ميڊيا تي ٽاپ ٽرينڊ تي آندو آهي، اهي تبصرا ڪري رهيا آهن تھ هي بيخودي ۽ پاڻ کي پاڻ ۾ سمائڻ آهي. ٻئي پاسي اداڪارا ماهرا خان، شان، صدف گورايا، حسين نديم ۽ ٻين شوبز دنيا جي شخصيتن گيت تو جهوم کي جنون قرار ڏنو آهي.
