پاڪستان جي خوبصورت اداڪارا ماورا حسين عورتن جي ازدواجي زندگي بابت اهم مسئلي تي ٺاهيل پنهنجي ڊرامي تي ٿيندڙ تنقيد کي رد ڪندي چيو آهي تھ ڊرامو قصا مهربانو ڪا عورتن جي تذليل جي ڪهاڻي آهي. ميڊيا کي ڏنل هڪ انٽرويو ۾ هن جو چوڻ هو تھ محبت ۽ نڪاح جي نالي ٿي ٿيندڙ ناانصافي بھ ظلم جي دائري ۾ اچي ٿو. جڏهن تھ ميريٽل ريپ هڪ قسم جو شرمناڪ ڏوهه آهي، بدقسمتي سان اهو ڏوهه تسليم نٿو ڪيو وڃي. هن چيو تھ 2022ع هلي پيو، هاڻ عورتن کي هر معاملي تي ڳالهائڻ جو حق ملڻ کپي. جڏهن تھ ڊرامو قصا مهربانو ڪا بھ اهم مسئلي تي آواز اٿارڻ جي هڪ ڪوشش آهي.
