دپيڪا پڊوڪون جي آڊيشن بنا فلمي دنيا ۾ پير رکڻ جو انڪشاف

بالي ووڊ اداڪارا دپيڪا پڊوڪون بابت انڪشاف ٿيو آهي تھ هن آڊيشن ڏيڻ بنا ئي ڪيريئر جي پهرين فلم اوم شانتي اوم ۾ ڪم ڪيو هو. ميڊيا سان ڳالهائيندي دپيڪا پڊوڪون ٻڌايو تھ پهرين فلم اوم شانتي اوم ۾ ڪم کان اڳ منهنجو آڊيشن نھ ورتو ويو. جڏهن تھ فلم جي شوٽنگ جي ڏس ۾ سڏايو ويو تھ مان آيس ۽ صوفي تي ويٺيس، جتي سخت گهٻراهت ٿي رهي هئي، ايستائين جو منهنجي چوڌاري جيڪو ڪجهه ٿيو پئي، ان جي بھ مون کي ڪا سڌ نھ ٿي رهي هئي. هن چيو تھ مان هڪ پروڊيوسر جو تعارف ڪرائي سيٽ تي آئي هيس.