هالي ووڊ جي ٻڌڻ جي سگهه کان محروم خاندان جي ڪهاڻي واري ڪوڊا بهترين فلم جو ايوارڊ ماڻي ورتو آهي. جڏهن تھ ول سمٿ بهترين اداڪار ۽ جيسيڪا چيسٽين بهترين اداڪارا جا آسڪر ايوارڊ کٽي ورتا آهن. ميڊيا مطابق لاس اينجلس ۾ سجايل عالمي ايوارڊ تقريب ۾ فلم ڊيون 6 ڪيٽيگرين ۾ ايوار ماڻي اڳيان رهي.
جڏهن تھ بهترين معاون اداڪار ٽروئي ڪوسٽر ۽ بهترين معاون اداڪارا جو ايوارڊ آريانا ڊيبوس حاصل ڪيو آهي. اهڙي ريت جين ڪيمپيئن هدايتڪار ۽ اينڪانٽو اينيمٽيڊ جي ڪيٽيگرين ۾ ڪامياب ٿيا. جڏهن تھ بهترين ڊاڪيومينٽري جو آسڪر سمر آف سول حاصل ڪيو آهي.
