پاڪستان جي فلم رهبرا 5 سالن تائين رولڙي جو شڪار رهڻ بعد نيٺ هلندڙ سال جون ۾ رليز ڪرڻ جو اعلان ڪيو ويو آهي. جڏهن تھ فلم جو پهريون ٽيزر جاري ڪيو ويو آهي. ميڊيا مطابق فلم رهبرا جي ميڪرز فلم جي رولڙي ۾ پوڻ جو ڪو بنيادي سبب اڃا تائين ٻڌائي نھ سگهيا آهن. جڏهن تھ ڪرونا وبا پڻ سندس رليز ۾ دير جو سبب بڻي آهي. رپورٽ ۾ ڄاڻايو ويو آهي تھ فلم جي شوٽنگ 2016ع کان شروع ٿي، 2017ع تائين 95 سيڪڙو ڪم مڪمل ڪيو ويو، پر بعد ۾ فلم جي باقي شوٽنگ ۽ ايڊيٽنگ مختلف سبب ڄاڻائي 5 سالن تائين نھ ٿي سگهي، جنهن کي هاڻ رليز ڪرڻ جو اعلان ڪيو ويو آهي.
