پاڪستان جي اڳوڻي وزيراعظم عمران خان جي ڪراچي واري جلسي ۾ ملڪ جا ڪيترائي شوبز ستارا پاڪستان ۽ پي ٽي آئي جا جهنڊا کڻي شريڪ ٿيا آهن. ميڊيا مطابق عمران خان جي جلسي ۾ شريڪ ٿيندڙ اداڪارائن ۽ اداڪارن کي مداحن گهيري ۾ رکيو ۽ انهن کان آٽوگراف پڻ ورتا.
رپورٽ ۾ ڄاڻايو ويو آهي تھ، مريم نفيس، هارون رشيد، آمنا ملڪ، تارا محمود، منيب، فيروز خان ۽ ٻيا اداڪار جلسي ۾ آيا، جن جلسي ۾ شريڪ ٿيڻ واريون تصويرون پڻ شيئر ڪيون آهن. جڏهن تھ هارون رشيد زال ۽ ٻارن سان گڏ جلسي ۾ شريڪ ٿيو، اهڙي ريت سائرا يوسف، مريم نفيس ۽ منيب بٽ پاڪستاني جهنڊا کڻي پهتا.
مريم نفيس پنهنجي شيئر ڪيل تصوير جي ڪيپشن ۾ لکيو تھ، عمران خان پاڪستان اوهان سان محبت ڪري ٿو، يقين ڪيو تھ ملڪ کي توهان جي شرورت آهي.
