جويريا سعود صاحبا جي حمايت ۾ ميدان تي اچي وئي

پاڪستاني اداڪارا جويريا سعود پنهنجي دوست صاحبا جي حمايت ۾ ميدان تي اچي وئي آهي. ميڊيا مطابق جويريا سعود هڪ تفصيلي پوسٽ شيئر ڪندي ان ۾ ڄاڻايو آهي تھ، مان هڪ ڀيڻ جي حيثيت سان صاحبا کي نرم دل ۽ حساس انسان طور مان گهڻو سڃاڻان ٿي، کيس نياڻين جي اولاد خاطر رب کي ٻاڏائيندي ۽ رب جي دين تي صبر ۾ ڏٺو آهي. هن ٻڌايو تھ نياڻين بابت صاحبا جي بيان جو اهو مطلب هرگز نھ آهي، جيڪو ماڻهن سمجهيو. هن چيو تھ اڪثر ماڻهو ڳالهه سمجهائيندي غلط لفظن جي چونڊ ڪري ويندا آهن، دلين جو ڀيد اللھ ئي ڄاڻي ٿو.