ڀارت ۾ پرامن نموني رهڻ مسلمانن جو حق آهي: پدما لڪشمي

ڀارت ڄائي آمريڪي ماڊل پدما لڪشمي چيو آهي تھ ڀارت ۾ پرامن نموني رهڻ مسلمانن جو حق آهي، ڇوتھ هن سرزمين تي تاريخي طور سمورن مذهبن وارا پرامن نموني رهندا آيا آهن. سوشل ميڊيا تي شيئر ڪيل بيان ۾ هن چيو تھ، مسلمان مخالف بيان ڏئي ماڻهو خوش ٿين ٿا، تشدد انهن کي سڪون ڏيندو آهي. ياد رکو تھ اهڙا بيان ماڻهن ۾ خوف پکيڙيندا آهن، اهو ڪنهن بھ زهر جيان لڳي ٿو. هن چيو تھ ڀارت يا ڪنهن ٻي جڳهه تي هندو مذهب کي خطرو ناهي، ڀائرو نفرت کي اڳتي وڌڻ نھ ڏيو.