عيد الفطر تي صبا، نيلم، هانيا ۽ امر جي فلمن ۾ مقابلو ٿيندو

پاڪستان جي فلم انڊسٽري بابت هيلوڪي عيدالفطر منفرد ان ڪري بھ آهي جو ان ڏينهن تي ڪا هڪ نھ پر هڪ ئي وقت چار فلمون سينيمائن ۾ پيش ڪيون وينديون. ميڊيا مطابق عيد تي رليز ٿيندڙ فلمن جي حوالي سان اصل مقابلو صبا قمر، نيلم منير، هانيا عامر ۽ امر خان جي فلمن وچ ۾ ٿيندو. جڏهن تھ ڄاڻايل اداڪارائن پنهنجي پنهنجي فلم جي باڪس آفيس تي ڪاميابي خاطر وڏي پيماني تي مهم پڻ هلائي آهي.