پاڪستاني اداڪارا صبا قمر جي حوض وارو منظر شوٽ ڪرائڻ تي سرمد کوسٽ سندس ٿورو مڃيو آهي ۽ چيو آهي تھ اهو منظر ڪرڻ تي سڄي زندگي صبا جو احسان مون تي رهندو. پرڏيهي خابرو اداري کي انٽرويو ڏيندي هن ٻڌايو تھ فلم ڪملي جي اسان شديد ٿڌ ۾ شوٽنگ ڪئي، جنهن جي هڪ منطر ۾ صبا قمر کي حوض جي پاڻي ۾ لهڻو هو، پر گيزر خراب هو، تنهنڪري ديڳين جو ڪاڙهيل پاڻي حوض ۾ وڌو تھ ان ۾ ٻوڙ جي ڌپ ٿي وئي، منظر شوٽ ٿيڻ کان روڪيوسين، پر صبا چيو ڪا ڳالهه ناهي منظر شوٽ ڪرايان ٿي، سچ پڇو تھ اهو منظر ڏاڍو ڏکيو فلمبند ٿيو. هن چيو تھ مون زندگي ۾ صبا جهڙي جنوني اداڪار ڪڏهن نھ ڏٺي آهي، اها ڪم سان نڀائڻ ڄاڻي ٿي.
