پاڪستاني اداڪارا حرا ماني دعا زهرا بابت بيان تي تنقيد بعد معافي وٺي ڇڏي آهي. حرا ماني ان معاملي تي وڊيو بيان جاري مداحن کان معافي ورتي آهي. رپورٽ ۾ ڄاڻايو ويو آهي تھ حرا ماني ڪجهه ڏينهن اڳ دعا زهرا ۽ سندس مڙس ظهير جي حق ۾ بيان ڏنو هو، جنهن تي مٿس ڇتي تنقيد ٿي هئي. هن وڊيو بيان ۾ چيو تھ، دعا زهرا ۽ ظهير واري معاملي تي مون کي مڪمل معلومات مليل نھ هئي، مان هن معاملي تي غلط هيس، غلطي تسليم ڪرڻ ۾ ڪا هٻڪ نھ هجڻ گهرجي. هوڏانهن منيب بٽ، سونيا حسين، صبا فيصل ۽ ٻين شوبز شخصيتن حرا ماني جي بيان تي کيس حوصلو ڏنو آهي.
