حرا ماني جي انوکي انگريزي ٻڌي ڪاوڙ ۾ تپي باهه

پاڪستاني اداڪارا حرا ماني لنڊن ۾ برطانوي خابرو اداري کي انٽرويو ڏيڻ دوران انوکي انگريزي ڳالهائي مداحن کي ڪاوڙ ۾ آڻي ڇڏيو آهي، جن مٿس ڇتي تنقيد ڪئي آهي. ميڊيا مطابق حرا ماني انٽرويو دوران انگريزي کان وڌيڪ اردو ۾ ڳالهايو ۽ سندس انگريزي جو لهجو ۽ انداز اهڙو رهيو جو مداح کل روڪي نھ سگهيا. جڏهن تھ حرا ماني جي اهڙي انگريزي کي مداحن انگلش ايشيائي ورجن قرار ڏئي چٿرون بھ ڪيون آهن. انٽرويو دوران حرا ماني جو چوڻ هو تھ مان ايشيائي ملڪ جي آهيان، جتي مداح اردو ۽ هندي سمجهن ٿا، اردو ۾ ڳالهائينديس.