پاڪستان جي خوبصورت اداڪارا هانيا عامر چيو آهي تھ سوشل ميڊيا تي ماڻهو ڪڏهن ڪڏهن اهڙيون ڳالهيون چئي ڏيندا آهن جو اسين روئي ڏيندا آهيون، پر سندن ڪجهه ڳالهين تي ٽهڪ ڏئي کلندا بھ آهيون. برطانوي خابرو اداري سان ڳالهائيندي هن جو چوڻ هو تھ جيڪڏهن مان اهو چوان تھ سوشل ميڊيا تي ڪجهه ناهي ٿيندو تھ ان جو مطلب مان اڻڄاڻ آهيان. هن ٻڌايو تھ سدائين شوخ ڪم ڪيو آهي، تنهنڪري ڊرامي ميري هم سفر ۾ بيوس ۽ مجبور ڇوڪري جو ڪردار ڪرڻ منهنجي آڏو ڏکيو ڪم هو. هن چيو تھ منهنجي سدائين ڪوشش رهي آهي تھ عورت کي مضبوط ۽ بااختيار ڏيکاريان، تنهنڪري پريشان ٿيس.
