شادي ڀلي آهي، اجايو بريڪ اپ نٿا ڪرڻا پون: زارا نور

پاڪستاني اداڪارا زارا نور عباس انڪشاف ڪيو آهي تھ شادي ڀلي ڳالهه آهي، ڇوتھ ان سان اجايو بريڪ اپ نٿا ڪرڻا پون. ميڊيا سان ڳالهائيندي هن جو چوڻ هو تھ ڪنهن بھ اداڪارا جي شادي بعد ان کي ڪم ملڻ گهٽ ٿي ويندو آهي، پر اميد سان ٿيڻ تي کيس ڪم ملڻ ئي بند ٿي ويندو آهي. هن چيو تھ سمورين ڳالهين باوجود مان چوان ٿي تھ اهو طئي آهي تھ شادي ڪرڻ جا فائدا گهڻا آهن ۽ دل ٽٽڻ جو امڪان بھ نٿو رهي. هن چيو تھ مان ۽ منهنجو مڙس هڪٻئي تي اداڪاري جا حساب سان تنقيد ڪندا رهندا آهيون.