مرد اکيون قابو ۾ رکي، عورت مناسب لباس پائي: بهروز سبزواري

پاڪستان جي سينيئر اداڪار بهروز سبزواري سماج ۾ لباس پائڻ ۽ مرد جي تاڙ وارين نگاهن جي معاملي تي چيو آهي تھ مان ائين چوندس تھ مرد کي پنهنجون اکيون قابو ۾ رکڻ گهرجن ۽ اسان جي عورتن کي پڻ مناسب لباس پائڻ گهرجي. يوٽيوب پروگرام ۾ ڳالهائيندي هن جو چوڻ هو تھ مون ڏٺو آهي تھ اسان وٽ موٽر سائيڪل تي ويهندڙ عورتون مناسب لباس نٿيون پائن، اهو انتهائي سوڙهو هجي ٿو، ڪجهه عورتون تھ عجيب غريب لباس پائي بائيڪ تي اچي ويهنديون آهن، جيڪو صفا سوڙهو هوندو آهي، جيڪو مناسب ناهي، عورتن کي مڪمل پردي سان بائيڪ تي ويهڻ کپي.