راکي ساونت شرلين چوپڙا ڪيس ۾ پوليس هٿان گرفتار

ڀارتي اداڪارا راکي ساونت کي ممبئي پوليس شرلين چوپڙا ڪيس ۾ گرفتار ڪري ورتو آهي. ميڊيا مطابق راکي ساونت خلاف ساٿي اداڪارا شرلين چوپڙا هڪ سال اڳ استعمال ڪيل لفظن جي حوالي سان ڪيس داخل ڪرايو هو، جنهن ۾ عدالت پاران راکي ساونت جي ضمانت رد ٿيڻ تي ممبئي پوليس ڪاروائي ڪري راکي ساونت کي گرفتار ڪيو. هوڏانهن ميڊيا ٽاڪ ۾ راکي ساونت مڙس عادل خان سان گڏجي هني مون کان اڳ عمري جي سعادت ماڻڻ جو اعلان ڪيو آهي. راکي ساونت جو چوڻ آهي تھ پهرين عمرو ڪنداسين، ڇوتھ اتي وڃڻ سان رشتا مضبوط ٿيندا آهن.