پاڪستاني سپر ماڊل ۽ اداڪارا عفت عمر معاشي صورتحال انتهائي خراب ٿيڻ تي اسحاق ڊار تي ڏمرجي ڇتي تنقيد ڪئي آهي ۽ کيس ڪيل واعدا بھ ياد ڏياري ڇڏيا آهن. ميڊيا مطابق عفت عمر پنهنجي پوسٽ ۾ لکيو آهي تھ اسحاق ڊار صاحب اوهان مذهب کي استعمال نھ ڪيو، معاشي صورتحال جي خرابي جا ذميوار اوهان پاڻ آهيو، جيڪي واعدا توهان ڪيو، انهن کي ياد ڪري وٺو. هن چيو تھ اوهان کي پنهنجي غلطي تسليم ڪرڻ گهرجي ۽ وضاحت ڏيڻ گهرجي تھ غلطيون ڪٿي ۽ ڪيئن ٿيون آهن. هن چيو تھ اسان پي ڊي ايم جي حمايت ڪيون ٿا، پر ان جو مطلب اهو ناهي تھ سوال نھ ڪنداسين.
