دانيا شاهه جي عامر لياقت ڪيس ۾ بريت واري درخواست خارج

پاڪستان جي مذهبي اسڪالر ۽ ٽي وي ميزبان عامر لياقت جي ٽين زال دانيا شاهه جي نامناسب وڊيوز ليڪ ڪيس ۾ داخل ڪرايل بريت واري درخواست عدالت خارج ڪري ڇڏي آهي. ميڊيا مطابق ڪراچي جي سٽي ڪورٽ جي جڊيشنل ميجسٽريٽ اوڀر جي عدالت ۾ دانيا شاهه پيش ٿي وڪيل تبديل ڪرڻ جو بيان رڪارڊ ڪرائي ورتو، جنهن تي دانيا جي بيان بعد وڪيل لياقت گبول درخواست واپس ورتي، جنهن تي عدالت ان کي خارج ڪري اڪلائي ڇڏيو. ميڊيا سان ڳالهائيندي وڪيل لياقت گبول چيو تھ وڪيل بدلائڻ دانيا جو حق آهي، مون پنهنجون رهتون ادا ڪري، ڪو اعتراض نھ ڪندس.