بالي ووڊ اداڪارا سونم ڪپور برطانوي بادشاهه چارلس جي 6 مئي تي رٿيل تاجپوشي واري تقريب ۾ شريڪ ٿي رهي آهي، جيڪو سندس لاءِ وڏو اعزاز آهي، ڇاڪاڻ تھ سونم ڪپور تاجپوشي ۾ شرڪت ڪندڙ اڪيلي ڀارت جي مشهور شخصيت هوندي. هوڏانهن مداحن سونم ڪپور تي چٿر ڪندي سندس هڪ پراڻي وڊيو وائرل ڪئي آهي، جنهن ۾ کيس ريمپ تي واڪ ڪندي ڏسي سهگجي ٿو ۽ ان وڊيو کي شاهه چارلس جي تاجپوشي سان منسوب ڪيو ويو آهي، جنهن تي شاهي گهراڻي ۽ سونم ڪپور جا مداح ڪاوڙ ۾ تپي باهه ٿي ويا آهن، مداحن جو چوڻ آهي تھ وڊيو پراڻي شيئر ڪرڻ جو مقصد نامناسب آهي.
