عاليا ڀٽ شاهه رخ خان کي خوابن جو اداڪار قرار ڏئي ڇڏيو

بالي ووڊ جي مشهور اداڪارا عاليا ڀٽ بالي ووڊ جي ڪنگ آف رومانس شاهه رخ خان سان گڏ هڪ ٻي فلم ڪرڻ جي خواهش ڏيکاري ڇڏي آهي. ميڊيا مطابق عاليا ڀٽ هڪ شو ۾ شريڪ ٿي، جتي ميزبان کائنس سوال ڪيو تھ اهڙو ڪهڙو اداڪار آهي، جنهن سان گڏ ڪم ڪرڻ چاهيندي، جنهن تي عاليا چيو تھ شاهه رخ خان سان فلم ڪئي آهي، پر ان سان وڌيڪ ڪم ڪرڻ جي خواهش آهي، ڇوتھ اهو ئي منهنجو خوابن جهڙو اداڪار آهي. هن چيو تھ هو حوصلو ڏيندڙ انسان آهي.