ناديا افگن پاڪستاني ڊرامن تي خدشن جو اظهار ڪري ڇڏيو

پاڪستان جي سينيئر اداڪارا ناديا افگن پاڪستاني ڊرامن تي خدشن جو اظهار ڪندي ڪبير سنگهه جهڙا سمورا ڊراما بند ڪرڻ جو مطالبو ڪري ڇڏيو آهي. ميڊيا مطابق هڪ انٽرويو دوران ڳالهائيندي ناديا افگن ٻڌايو تھ گهريلو تشدد، هراسمينٽ، محبوب پويان ديوانگي جهڙا سمورا ڊراما بند ڪيا وڃن، ڇاڪاڻ تھ مرد جي عورت تي حڪمراني، نفرت جهڙن موضوعن وارا ڊراما ٻارن تي خراب اثر ڇڏين ٿا. هن هڪ سوال جي جواب ۾ چيو تھ منيب بٽ کي نٿي سڃاڻان، فيروز خان ۽ محسن عباس حيدر سان سياست سبب سيلفي نھ وٺنديس.