بالي ووڊ جي خوبصورت اداڪارا هما قريشي نئين فلم ۾ ذائقيدار ماني کائڻ لاءِ پرجوش نظر ايندي، جنهن بابت کيس يقين آهي تھ فلم مداحن کي پسند ايندي. ميڊيا مطابق هما قريشي جي فلم ترالا جو ٽريلر رليز ٿيڻ سان هما جو اهم ڪردار بھ سامهون اچي ويو آهي، جنهن ۾ کيس کاڌن کائڻ جي شوقين ڏيکاريو ويو آهي. فلم جي ڪهاڻي جي حوالي سان هما قريشي جو چوڻ آهي تھ ترالا جذبات کي محسوس ڪرڻ واري فلم آهي، تنهنڪري مداح ضرور ڏسن. هن چيو تھ منهنجي والدا کي ذائقيدار کاڌا پچائڻ جو شوق رهيو آهي، اهڙي ماحول ۾ وڏي ٿي آهيان، تنهنڪري ڪردار ڪرڻ ۾ مزو آيو آهي.
