![](https://s3.amazonaws.com/sindhexpress.com.pk/2023/07/rabia-butt-e1690116900465-780x470.jpg)
پاڪستاني اداڪارا رابعا بٽ چيو آهي تھ اسان جي سماج ۾ تشدد ۽ مارڪٽ برداشت ڪندڙ عورت کي ئي سٺو تصور ڪيو ويندو آهي. وائيس آف آمريڪا کي ڏنل هڪ انٽرويو ۾ رابعا بٽ ٻڌايو تھ ڊرامن ۾ ڏسندڙ مداحن کي بھ اهڙيون ڪهاڻيون وڻنديون آهن، تنهنڪري انهن کي ريٽنگ بهترين ملي ٿي. هن چيو تھ اسان جي معاشري ۾ مضبوط عورت جو تصور خراب آهي، اهو ئي سبب آهي جو عورت جي ڪردار کي رڳو روئندڙ ڏيکاريو ويندو آهي. هن چيو تھ منهنجو ڊرامو گناهه ڪرائيم ٿرلر آهي، جنهن ۾ مک ڪردار صبا قمر ۽ سرمد کوسٽ ادا ڪيا آهن، منهنجو ڪردار بھ مضبوط آهي.