ممبئي: مشهور ڀارتي ماڊل ۽ اداڪارا راکي ساونت پنهنجي مڙس تي الزام هنيو آهي ته عادل دراني سندس غيراخلاقي وڊيوز لکين روپين ۾ دبئي ۾ وڪرو ڪيون آهن. هڪ پريس ڪانفرنس دوران راکي ساونت، عادل تي سنگين الزام لڳائيندي چيو ته مان باٿ روم ۾ هيس ۽ عادل منهنجون وڊيوز ٺاهي رهيو هو، هن وٽ ڪيتريون ئي نيوڊ وڊيوز آهن، جن تي مان خاموش رهيس. اداڪارا چيو ته جيڪڏهن اهي وڊيوز وائرل ٿيون ته مان ڇا ڪنديس، زهر پي وٺندس؟ مان ڪيڏانهن وڃان دنيا کي ڪهڙو منهن ڏيکارينديس؟ مان ڪهڙي سماج ۾ رهنديس؟ مان ڪا عام ڇوڪري نه آهيان، مان هندستان جي مشهور شخصيت آهيان، مان هڪ برانڊ آهيان.
