ڪراچي: آءِ سي سي وومينز ورلڊڪپ 2022 لاءِ پاڪستان جي 36 امڪاني رانديگرياڻين جي اسڪواڊ جو اعلان ڪيو ويو آهي. انهن ۾ سينيئر بيٽسمين بسمه معروف به شامل آهي، جنهن پنهنجي ڌيءَ جي پيدائش کانپوءِ ميدان ۾ اچڻ جو فيصلو ڪيو. 10
کان 19 جنوري تائين حنيف محمد هاءِ پرفارمنس سينٽر نيشنل اسٽيڊيم ۾ شيڊيول 7 ميچن تي مشتمل ٽڪنڊي سيريز ۾ امڪاني رانديگرياڻيون حصو وٺنديون. 36 رانديگرياڻين کي ٻن ٽيمن ۾ ورهايو ويندو، ٽئين ٽيم مقامي ڇوڪرن جي ٽيم هوندي، 2022ع جي ورلڊڪپ لاءِ پاڪستان وومين ڪرڪيٽ ٽيم جو اعلان 25 جنوري تي ڪيو ويندو.
