ميڪسيڪو ۾ فٽبال ميچ دوران ٽيمن جي حمايتين ۾ اسٽيڊيم اندر جهيڙو ٿي پيو آهي، جنهن ۾ گهٽ ۾ گهٽ 17 ماڻهن جي مارجڻ جا اطلاع مليا آهن. ميڊيا مطابق ميڪسيڪو سٽي جي مقامي اسٽيڊيم ۾ اٽلس ۽ ڪيوريتارو ۾ فٽبال ميچ دوران ٻنهي حمايتي شوقينن ۾ ويڙهه ٿي پئي، جنهن ڏسندي ئي ڏسندي جنگ جهڙي صورتحال اختيار ڪري ورتي، جنهن دوران ٻنهي ڌرين جي حامين هڪٻئي کي مارڪٽ ڪندي ڪپڙا پڻ ڦاڙي ڇڏيا آهن. جڏهن تھ اهڙي صورتحال بعد انتظاميا ميچ کي ختم ڪري ڇڏيو. هوڏانهن جهيڙي ۾ ماڻهو مارجڻ جي سرڪاري طور تصديق نھ ٿي، پر پوليس واقعي جي جاچ شروع ڪري ڇڏي آهي.
