ويمن ورلڊ ڪپ ۾ آسٽريليا نيوزيلينڊ کي هارائي ڇڏيو

ويمن ورلڊ ڪپ جي مقابلن ۾ آسٽريليا وڏي اسڪور تان نيوزيلينڊ کي هارائي ڇڏيو آهي. ميڊيا مطابق آسٽريليا ويمن 8 وڪيٽن تي 269 رنسون ٺاهي هدف ڏنو، جنهن جي موٽ ۾ نيوزيلينڊ 31 اوورن ۾ 128 تي آئوٽ ٿي وئي ۽ 141 رنسن تان شڪست کاڌي آهي. آسٽريليا جي ايلسي پيري 68 رنسن ۽ هڪ وڪيٽ وٺڻ تي پليئر آف دي ميچ جو ايوارڊ ماڻيو آهي. ٿاليا مڪگراٿ 57، ايشلي گارڊنر 48 رنسون ٺاهيون. جڏهن تھ نيوزيلينڊ مان ايمي سئٽرويٿ 44 رنسن سان نمايان رهي.