پاڪستان ويمن ڪرڪيٽ ٽيم ويمن ورلڊ ڪپ جي جاري ايونٽ ۾ بنگلاديش ويمن ٽيم هٿان 9 رنسن تان شڪست کاڌي آهي. ميڊيا مطابق ويمن ورلڊ ڪپ جي جاري مقابلن ۾ پاڪستاني ٽيم اڃا تائين ڪابھ ميچ کٽي نھ سگهي آهي. ڪالهوڪي ميچ ۾ پڻ بنگلاديش ويمن ٽيم پهرين کيڏندي 7 وڪيٽن تي 234 رنسون ٺاهيون، جنهن ۾ فرجانا حق 71، نگار سلطانا 46، شرمين اختر 44 رنسن سان نمايان رهيون. جڏهن تھ موٽ ۾ پاڪستان ويمن 225 رنسون ٺاهيون ۽ سندس 9 بيٽر آئوٽ ٿيون، جن ۾ سدرا امين 104، ناهيدا خان 43، بسما معروف 31 رنسون ٺاهيون، 3 بيٽر ٻڙي تي آئوٽ ٿيون ۽ 3 سنگل ڊجيٽ ۾ رهيون.
