ڏکڻ آفريقا ويمن ڪرڪيٽ ٽيم کي برسات سڌو سيمي فائنل ۾ پهچائي ڇڏيو آهي. ميڊيا مطابق ويسٽ انڊيز ۽ ڏکڻ آفريقا جي ٽيمن وچ ۾ ڪالهه ميچ ٿيڻي هئي، جيڪا 10 اوورن 5 بالن جي مس کيڏجي سگهي تھ برسات شروع ٿي وئي. جڏهن تھ ڏکڻ آفريقا جون پليئرس 61 رنسون ٺاهيون هيون ۽ ان جا 4 بيٽر آئوٽ ٿي ويا هئا، پر برسات ميچ ٿيڻ نھ ڏني، جنهن بعد ڏکڻ آفريقا جي سيمي فائنل ۾ ڪواليفائي ڪرڻ جو اعلان ٿيو. جڏهن تھ ويسٽ انڊيز جي سيمي فائنل ۾ پهچڻ جو مدار ڀارت ۽ انگلينڊ جي ميچن تي آهي، انهن مان ڪا هڪ بھ شڪست کائي ٿي تھ ويسٽ انڊيز سيمي فائنل ۾ اچي ويندي.
